Moving .. To a New Blog.
السلام عليكم ورحمه الله وبركاته
غبار قاعد يطلع من المدونه ! مضت فتره طويله من آخر مره كتبت هني.
قاعد اذكر الايام الحلوه اللي امضيتها هني ، مع اني ما امضيت فتره طويله هني، بس كانت بلا شك فتره ممتعه واستمتعت فيها بشكل كبير، وانا الحين ابي اجدد التجربه، بشكل جديد شويه وبمدونه ثانيه علشان تماشي هذا التجديد.
واحب اشكر اللي دعموني في المدونه، وكل اللي علقوا على تويناتي واعطوني آراءهم، اشكركم جداً.
للذهاب الى المدونه الجديده، اضغط هنا
اشوفكم هناك : )
Filed under: Uncategorized | Leave a Comment
Stopping
قبل ما ابدأ ، كل عام والجميع بخير بمناسبه قرب شهر رمضان .
ادري انه صارلي فتره ماكتبت شي في البلوغ ، واني مقصر كثير ، مالي عذر عن هالغياب ، بس دفاعاً عن نفسي 😀
كنت مشغول كثير بالعطله ، اولاً سافرت وبعدها رجعت وكنت اطلع تقريباً بشكل يومي مع الاصدقاء .
عموماً ، ماراح اكذب واقول انه هالاشي بيتغير واني راح ارجع مثل قبل وافضل …الخ ، اللي بقوله اني بتوقف عن التدوين في هالفتره ، على الاقل لنهايه رمضان ، وما اعتقد بتكون الرجعه لهذي المدونه ، اذا رجعت بتكون مدونه جديده كلياً وبشكل غير عن هذا .
هذي النهايه ، كانت تجربه حلوه وان شاء الله بكرر التجربه مره ثانيه ، وشكراً لكل اللي شجعوني وعلقوا على تدويناتي ، .
opening .. 18th May
Closing .. 28th August
Filed under: Uncategorized | 1 Comment
العاب هذا الاسبوع
Too Human
Smash Court Tennis 3
Ratchet & Clank Future: Quest for Booty
Super Pick Ups
Falling Stars
Shepherd’s Crossing
Fading Shadows
Commando Steel Disaster
The Cheetah Girls: Passport to Stardom
Two Worlds Epic Edition
Adventure Anthology
Deadliest Catch Alaskan Storm
Murder in the Abby
Sinking Island
Dracula 3: Path of the Dragon
Space Siege
Shattered Suns
Tank Universal
MindHabits
+++++++++++++++
مافي شي مثير للأهتمام هالاسبوع ، بس اعتقد الاهم Too Human و Ratchet & Clank .
Filed under: Video Games | Leave a Comment
معلومات جديده عن FFXIII ا
ظهر في مجله فاميتسو بعض السكانات لألعاب FFXIII ( العاديه ، Versus ، Agito ))
Final Fantasy XIII
– ديمو للعبه بيكون مع فيلم FFVII Advent Children .
– في المجله ، فيه ثلاث صفحات للعبه من صور ومعلومات ، و حوالي 20 صوره من الـReal Time !
– ديمو اللعبه بيكون اطول من فيلم FFVII AC ، واللي كان مده الفيلم ساعه ونصف ، الديمو شكله بيكون ضخم !
– الديمو بيكون من بدايه اللعبه ( ممتاز ! )
Final Fantasy Versus XIII
– اربع صفحات بالمجله لـFFV XIII ، وحوالي 10 صور من الـReal Time .
– الناس الذين يعيشون في عالم اللعبه يعبدون الـShinigami ( اله الموت ! ، اللي شافوا ديث نوت اكيد بيعرفون شنو يعني الشينيغامي ) .
– السيارات والملابس الذين شوهدوا في العروض سيتغيرون في التصميم عند اكتمال اللعبه .
Final Fantasy Agito
– اللعبه نقلت للـPSP لأنهم ما قدروا ينتظروا التلفونات لتتطور اكثر ! ( من حسن حظنا 😀 )
– المعارك بيكون فيها اكشن كثير ، ومع ذلك بيظل فيها عناصر الـTurn-Based ، اللعبه بتستخدم نسخه مطوره من نظام معارك Crisis Core .
– في المعارك بيكون في اكثر من شخصيه ، على عكس Crisi Core اللي كنت تلعب بشخصيه واحده ( Zack ) .
– اللعبه تدعم الملتي بلاير لثلاثه اشخاص .
– اللعبه بتدعم الـAd-Hoc و الـInfrastucture ( اي ان اللعبه بتدعم الاونلاين ملتي بلاير !!! ) .
– اللعبه بتدعم الـSummons ، بعد استدعائهم ، اللاعب بيقدر يتحكم فيهم تماماً .
Filed under: Video Games | Leave a Comment
الوسوم:FF, FFXIII, FFXIII Agito, FFXIII Versus, Final Fantasy XIII
يس ، العنوان صحيح ومافيه اي خطأ ، الاسطوره Shinji Mikami مع Suda يتعاونان معاً على لعبه بالتعاون مع شركه EA !!!
اللعبه بتكون أكشن رعب من انتاج شينجي و أخراج سودا ، اللعبه بتصدر على الـPC|Wii|X360|PS3 !! كالعاده EA مو مخليه جهاز P: .
مو قادر اصدق ، الحماس ضارب فوق ، شوفوا كلام شينجي ميكامي : ” This game is dark, scary, and exciting. Stay tuned “
شكراً EA ..
Filed under: Video Games | 1 Comment
الوسوم:Shinji Mikami, Suda
Back to Movies Last Partا
The Incridible Hulk
جيد ، قصه عاديه تميل للسيئه ، التمثيل عادي ، انصحك فيه فقط اذا كنت تحب Hulk او افلام السوبر هيروز.
Kung Fu Panda
سيء ، سيء جداً ، الكوميديا مبتذله ، ما انصحك ابداً انك تشوفه !
كابتن هيما
ما ادري ليش دخلت على فيلم مصري -_-” ، سيء ، لا تفكر حتى انك تشوفه .
آسف على الازعاج
حلو ، استغربت من الفيلم ، كنت متوقع شي عادي او سيء ، بس الفيلم ابهرني بصراحه ، يمكن لأني ما كنت متوقع شي فأبهرني الفيلم ، بس القصه حلوه ( ماراح تتضح الا في نص الفيلم ) وأداء حلو من احمد حلمي ، انصح بمشاهدته ، خصوصاً لو بتشوفه مع عائلتك .
وهذي النهايه 😀
Filed under: Films & TV Shows | Leave a Comment
الوسوم:Kung Fu Panda, The Incridible Hulk, كابتن هيما, آسف على الازعاج
Back to Movies Part 2 ا
ارجع واكمل سلسله الافلام اللي شفتها بالعطله ، وهالمره الفيلمين عن الـSuper Heroes ، نبدأ بـHancock :
Hancock ( ويل سميث ) هو بطل خارق ، بس مو بمعنى “البطل الخارق” اللي الكل يعرفه ، غير مبالي وعايش على الخمر ، وكل المدينه تكرهه ، ولكن حياته على وشك ان تتغير ، فيعد ان انقذ احد الاشخاص والذي اتضح انه مدير علاقات عامه ، يبدأ هذا الشخص في محاوله تحسين تصرفات هانكوك وجعل الناس يحبونه.
الفيلم غريب وفكرته فريده من نوعها ، اذا كنت تبي فيلم تشوفه مع العائله وتستمتعون فيه ، فهذا هو الفيلم المطلوب ، توجد بعض العيوب في الفيلم ، بس ما تأثر على جوده الفيلم ، المواقف الكوميديه ممتازه ، الاخراج حلو ، الفكره الجديده ، كل هذا خلى الفيلم واحد من اهم افلام الصيف .
اللي شاف تدويناتي السابقه بيعرف اني كنت متحمس كثير لهالفيلم ، الفيلم كان ممتاز بس ما وصل لتوقعاتي ، خصوصاً انه الكثير قال انه هالفيلم هو افضل فيلم سوبرهيرو على الاطلاق ! فكانت توقعاتي عاليه للفيلم ، اتوقع لو اني ما تحمست للفيلم كان اعجبني اكثر ، عموماً ، قصه الفيلم هي عن ستارك ، والذي يملك شركته الخاصه لصنع الاسلحه ، في بدايه الفيلم ، تختطفه احدى الجماعات الارهابيه (( العربيه ، كالعاده )) ويرغمونه على صنع سلاح لهم ، يرفض ستارك ذلك ويبدأ في صناعه آله كبيره للهروب ، نعم لقد حزرتهم ، هذه الآله هي التي تسمى Iron Man !
اذا كنت من عشاق افلام الـSuperheroes فأكيد هالفيلم بيعجبك !
See You in Part 3 !
Filed under: Films & TV Shows | 1 Comment
الوسوم:Hancock, Iron Man
Back to Movies Part 1
في العطله ، قضيت وقتي على السينما وافلام الـDVD ، وشفت افلام كثيره كنت انتظر الفرصه اني اشوفها ، عموماً راح اخلي هالتدوينه اكثر من جزء ، علشان اوفي حق وما اظلم اي فلم ، اوكي نبدأ بالاسطوره ، The Dark Night :
السبب اللي يخليني اقول عنها اسطوره هو بكل بساطه Heath Ledger ، مات و ترك لنا افضل عمل قدمه لدرجه انك ما راح تقدر تصدق انه اللي قدامك تمثيل ، تجسيد تام لشخصيه الجوكر اللي نبيها من زمان ، احد اقوى وافضل واعمق الادوار اللي شفتها بحياتي ، ان لم يكن اقواها على الاطلاق ، يمكن تفكر اني ابالغ لما اقول هالكلام بس فعلاً الى الآن مو قادر اتصور اني في تمثيل بهالاتقان ، دور ما تقدر تنساه ابداً ، عموماً كافي مدح بـ جوكر ، مايحتاج اقول قصه الفيلم ، باتمان يرجع يحارب الجريمه ، وعدوه اللدود الجوكر يكمل جرائمه 😀 .
اللي ما شاف الفيلم ، يعتبر نفسه فوّت عليه احد اهم افلام هذي السنه اذا ما كان اهمها ، واكيد بيفوّت عليه اخراج ممتاز ، قصه عميقه واللي ماراح يتضح مغزاها الا بالنهايه ، وادوار مارح تتكرر ابداً.
اما الفيلم الثاني ، فهو Cloverfield ، سمعت مدح كثير عن الفيلم فقلت لازم ما اطوف هالفيلم ، الفيلم يتكلم عن وحش عملاق يهجم على مدينه امريكيه ( نيويورك اعتقد ؟! )) الفيلم مو مثل غيره من الافلام اللي مثل هالنوعيه ، الفيلم يركز على مجموعه من الناس وشلون يتصرفوا حول هذا الشي ، يخليك تعيش شخصيتهم وتتخيل نفسك مكانهم ، الفيلم مافيه اي تركيز على الوحش ولا من وين جاء ، فقط كاميره احد الاشخاص اللي كان قاعد يصور كل شي ، الفيلم ممتاز وطريقه الاخراج غريبه وجديده وحلوه ! ، والتشويق فيه ممتاز ، بس بعد انتهاء الفيلم بتطلع بمخك اسئله كثيره ، واللي مارح تلقى لها جواب P: ، لحظه ، احتمال تلقى اجوبه لأن الفيلم راح يكون له اجزاء قادمه 😀 .
See you in Part 2 😉
Filed under: Films & TV Shows | 4 تعليقات
الوسوم:Batman The Dark Knight, Cloverfield, The Dark Knight
Back to Black
وأخيراً رجعت اكتب في المدونه ، صارلي اكثر من شهر ماكتبت شي فيها ، كان ودي اكتب شي وانا مسافر بس قلت خليها لما ارجع الكويت ، وهذا انا رجعت الكويت وناوي ارجع اكتب بشكل متواصل في المدونه.
قضيت اجازه ممتعه رحت فيها لـ الاردن ، سوريا و لبنان ، الاردن كانت حلوه والجو البارد والمنعش كان من اكثر الاشياء اللي حبيتها ، خصوصاً للخليجيين مثلي اللي عايشين بحر طوال السنه الا اشهر معدوده ، بس للأسف مارحت اماكن كثيره ولا زرت الاماكن التاريخيه والطبيعيه ، فقط قعدت في عمّان واتنقل من سوق الى سوق ومن سينما الى سينما أخرى ! .
اما سوريا ، قضيت فيها ثلاث ساعات فقط ، لأنها كانت في الطريق بين الاردن ولبنان ، ووقفنا في سوق الحميديه عليان نتسوق ! ، كرهت نفسي بهالثلاث ساعات ، سوق من اسوء مايكون وزحمه مو طبيعيه ، وتحت حراره اشعه الشمس الحارقه ، بصراحه وبدون مبالغه يمكن هذي اسوء ثلاثه ساعات قضيتها بحياتي مع احترامي للسوريين ، ولكن السوق كان فعلاً سيء والمكان كله سيء -_-“
اما لبنان ، فهذي قصه أخرى ، اكثر شي استمتعت فيه بالسفره ، مع اني قضيت فيها اربعه ايام فقط ! رحت لمغاره جعيتا ، شي خيال وغريب سبحان الله ، وهي مرشحه انها تكون واحده من عجائب الدنيا السبع الجديده ، وبرأيي تستحق انها تكون من عجائب الدنيا السبع الجديده ، وركبت التلفريك ، من زمان كان نفسي اركبه واخيراً ركبته ، كان ممتع كثير بصراحه ، خصوصاً المنظر ” كان عند الغروب تقريباً ” والبحر ، كان شي رائع بصراحه ، واكيد ماقدرت اطلع من لبنان الا وانا رايح لشارع السوليدير ، واللي صاروا كل المغنيين يصورون اغانيهم فيه (( كثير بس ناسيهم ، اللي متذكره على ما اعتقد هو راشد الماجد بأغنيته علشان الحب )) .
وبعدها رجعت للكويت ، وطبعاً الرجوع للوطن احلى شي في النهايه 😀 ، حاس اني تكلمت كثير عن تفاصيل مالها داعي ، عموماً بسوي سلسله تدوينات اكتب فيها عن الافلام اللي شفتها ، الالعاب اللي لعبتها ، القصص اللي قرأتها ، واشياء ثانيه غيرها ، فأنتظروني P: ، وبعد غيرت الستايل تزامناً مع عودتي و كـ نوع من التجديد ، مو مقتنع فيه كثير بس يكفي لفتره من الوقت ، ويمكن يصير يعجبني بالنهايه 🙂
Filed under: Uncategorized | 2 تعليقان
Out of Town
هذا آخر يوم لي بالكويت ، باجر ان شاء الله بسافر للأردن ، ببتعد عن حر الكويت اللي اذا حطيت ماي بالشارع تغلي بعد دقيقتين !!
تحديثات المدونه رح تكون قليله اذا مو منعدمه ، اكيد لاحظتوا قله التدوينات بالاسبوع الماضي ، رح احاول الاقي كوفي نت هناك علشان اكتب تدوينات هني ، بس ما اوعدكم انه التدوينات بتكون كثيره.
بالتوفيق للكل ، واستمتعوا بالعطله الى آخر الحدود ، اما اللي عندهم دوام فــحظ اوفر لهم 😛 .
Filed under: Uncategorized | 3 تعليقات
a Gameologist Blog 