البدايه ..
بسم الله الرحمن الرحيم
هذي هي بدايتي في المدونات , دائماً كنت اتمنى تكون عندي مدونه اكتب فيها اللي ابي , بس اتذكر اني كسول كثير ونادراً ما افضى علشان اكتب اللي ببالي , بس اتمنى هالتجربه تكون ناجحه واتعلم شوي اتخلى عن كسلي -_-” .
اوكي , اللي بكتبه في المدونه هو عباره عن العاب الفيديو , الافلام والمسلسلات او اي شي يخطر على بالي , بس اغلب المدونات بتتكلم عن العاب الفيديو والافلام , بحاول اكتب باللغه العربيه وببتعد عن الانجليزيه قدر الامكان , وايضاً بحاول اكتب باللغه العربيه الفصحى علشان الكل يقدر يفهم علي من كل بلد .
اللي بيخليني اكتب اكثر هو دعمكم ووجودكم معي فالمدونه فلاتبخلوا علي بالتعليقات حتى اعرف انه في متابعين لي وتعبي مايروح عالفاضي , طبعاً للحين البلوغ ما ضبطته عدل , يبيلي وصت على ما اتعود عليه واعرف استخدمه عدل , الحين اللي متعبني كثير هو موضوع الثيمات , احد يعرف شلون ارفع الثيمات للموقع “لقيت مواقع لتحميل الثيمات بس ماعرفت شلون احطهم بالموقع -_-” “
الظاهر تكلمت كثير , على العموم اتمنى لكم قضاء اوقات سعيده معي بالمدونه , واي شي يخطر ببالك وتبي تقولي اياه , حط لي تعليق وبشوفه ان شاء الله .
Filed under: Uncategorized | 2 Comments
ارحب مسترو
وبداية تدوينية طيبة ان شاء الله
بالنسبة للثيمات اللي تلقاهم في النت ماتقدر تركبهم لان هذي مدونة مجانية ماتقدر تركب عليها ثيمات خارجية ، فقط الثيمات اللي حطينها لك ووردبريس.
هلا شادو
.
, الثيمات اللي فيها خايسه + اللي يقهر انه الثيمات اللي تقدر تنزلهم روعه 
-_-” اكرهك يا وورد برس