يبدو ان لعبه Age of Conan اصبحت واحده من اسرع العاب الـPC مبيعاً , حيث ان اكثر من 400,000 لاعب دخلوا الى عالم اللعبه في الايام القليله الماضيه , نصف هؤلاء من امريكا الشماليه , كما ان موقع Age of Conan حصل على اكثر من 2.2 مليون زياره في الـ10 ايام السابقه ! .
شيء مذهل ! اللعبه شكلها ممتازه , ودي اجربها بس المشكله الكمبيوتر مالي اي شي , بالموت يشغل لعبه فلاش 
,او يمكن اجربها اذا لقيتها على الـXbox 360 .
Filed under: Video Games | 6 Comments
Tags: Age of Conan
الكثير بدأ يطلق عليها منافسة وار كرافت ، هذا اللقب لحاله جعلني انظر اليها بشكل جدي علما بأني لا القي بال لالعاب الـPC بسبب متطلباتها الخنفشارية وجهازي اللي حتى مع المتصفحات يبدأ يهلوس !
هلا !
هذي اول زيارة لي لموقعك، لقيته بال Google وانا ادور منتدى ل Age of Conan . صارلي العبها من وقت ال Release . واقدر اقول انها منافس قوي ل WoW . وانا لعبتها لمدة سنتين من اول اسبوع طلعت فيه.
بس لازملها جهاز قوي، يعني انسى تشتغل على Laptop قديم او كرت شاشة اقل من Geforce 8600 . ويبيلك 2g Ram . بس ترى ه>ي هي متطلبات الاعاب الجديدة على ال PC .
وترى اسمي ثامر وانا صاحب محل لل Games و ال Gadgets في الرياض واول شيء تعلمته وانا صغير بعد المشي، هو لعب ال Atari.
راح ازور ال Blog حقتك بصورة شبه يومية ان شاء الله.
مع السلامه!
هلا والله اخوي ثامر , حياك الله بمدونتي.
هذي المشكله , اللابتوب مالي قديم وبدأ يعلق علي ويخرب -_-” بس ان شاء الله ناوي على جهاز جديد . بس بما ان اللعبه بتنزل على الاكس بوكس 360 فما يحتاج اطور اللابتوب مالي.
للأسف انا من الكويت , ولا كنت بزور المحل مالك
.
يهلا باهل الكويت! انا لي زملاء كويتين تعرفت عليهم في امريكا، ما شفت منهم الا الخير.
انا اشك بأن AoC على الاكسبوكس راح تتضمن كل ال content لان اللعبة حجمها 25 جيجا. يس راح العبها على الاكسبوكس و ال PC لانها تستاهل!
يمكن المحتويات تنزل كـDownloadable Content .
حمستني للعبه , شكلها لعبه ممتازه.
بالنسبة للاضافات ، الله يخلي الماركيت بليس ، شخصيا افضل لعبها عالكونسول ، لان اجهزة الحاسب صداع راس بعكس الكونسول احذف الشريط داخل الجهاز واللعبة بتشتغل باحلى حله !