Finished …
09يونيو08
وأخيراً ، انتهيت من الامتحانات المزعجه -_-” ولو اني حبيت هالسنه وكانت من احلى سنوات حياتي ، بس تظل الامتحانات Sucks
الامتحانات كانت سهله تقريباً مع اني مادرست كثير ، اكثر امتحان واجهت فيه صعوبه هو التربيه الاسلاميه !! كان في اسئله سهله بس من سهولتها ما تعرف تجاوبها -_-” ، وبعض الاسئله تجيك من بين السطور ، ويقولك من قائل هذه العباره -_-” انا هني تتخربط معاي الاسماء كلها >_<”
واليوم ، بدأت عطلتي الصيفيه ، ناوي اسوي اشياء كثيره فيها ان شاء الله ، اولاً راح احدّث المدونه بشكل اسرع واكثر ، اهملت المدونه كثير في الامتحانات وان شاء الله ماراح يتكرر هالشي مره ثانيه ، ما ابي مدونتي تبقى بدون تحديث لفتره طويله.
وثانياً ، بحاول اخلص العاب للحين ماخلصتهم ، القائمه طويله جداً ويمكن ما اقدر اخلصهم كلهم في هالعطله ! ، وايضاً ابي احاول اخلص الافلام اللي راحت علي بسبب الامتحانات اللعينه -_-” ، وبحاول اخلص روايه ” واختفى كل شيء ” لأغاثا كريستي ، من زمان ودي اخلصها بس ما جت لي الفرصه.
حاس اني تكلمت كثير ، المهم ، اتمنى لكم عطله حلوه حق اللي خلصوا ، والتوفيق للي ماخلصوا للحين.
Filed under: Uncategorized | 1 Comment
Tags: school
مبروك انتهاء العطلة والله يرزقنا اياها باسرع وقت ممكن ( باقي اسبوعين -_- )
بالنسبة لي ، مايقارب الـ10 العاب من النوع ( الطويل 30 / 40 ساعة – طويل جدا 80 / 100 ساعة ) ما خلصتهم -_- وقرابة الـ5 العاب من النوع العادي اللي تنهيه في 10 \ 20 ساعة
الروايات : الهارب \ 100 عام من العزلة \ الحصن الرقمي لازم اقراهم في العطلة لااااازم .
الافلام : زحمة O_o !