Wii
وأخيراً امتلكت الـWii ، وبطريقه ماتوقعتها ابداً وكنت شايله من مخي تماماً في هالفتره – كنت ابي البي اس 3 – ، كنت رايح السوق اتمشى ولقيت نفسي زهقان فـرحت عند الالكترونيات اتفرج ، لقيت الوي والبي اس 3 قدامي وكلهم بسعر حلو ، بس ما ادري شنو السبب اللي خلاني اختار الوي :S ، بس الحمدلله اني اخترته ، ماكنت متوقع الجهاز بالحلاوه هذي ، الويموت تطبيقه جداً ممتاز وافضل من الشكل اللي توقعته ، خصوصاً في Wii Sports ، لما تحط الملاكمه مثلاً الويموت والـNunchuk يصير كأنه ايدك ، تصد وجهك من ضربه الملاكم او ترفع ايدك الثنتين على وجهك علشان مايقدر يضربك ، مو قادر اشرح اكثر عن الجهاز بس اي واحد يبي يستمتع بشكل كبير بالالعاب انصحه بالـWii ، جهاز ما يتطوف بصراحه.
امممم ، الحين محتار شنو اشتري العاب للجهاز ، خذيت مع الجهاز Super Mario Galaxy بسبب المدح الكبير اللي صار للعبه وقلت خلني اجربها ، ماتعمقت فيها للحين ، ناوي اشتري Resident Evil 4 لأني ماجربتها على البي اس 2 ، وايضاً بحاول اشتري Metroid و Fire Emblem ، اي واحد عنده خبره بألعاب الوي ياليت يعطيني اقتراحه …
Filed under: Video Games | 9 Comments
Tags: Wii, Super Mario Galaxy
مبروك عليك الجهاز السولد اوت ، الي امريكا مو قادرة تلحق راس معه بسبب مبيعاته الاسطورية ، جهاز باع 50 مليون وحدة في سنتين @@ ! شخصيا ، كنت من الاشخاص المتحمسين له ، جدا …. جدا ! بس بعد ماجربته ، OMG ، انصدمت ، من حلاوته ؟ لا والله ! ماعجبني بالمرة ، عرفت ان Wii + عبدالرحمن ماينفعوا مع بعض . صحيح انه لم يعجبني ، لكن هذي قائمة ببعض الالعاب ورايي فيها :
+ زيلدا : عيب اتكلم عنها ! الاسم لحالة يكفي …
+ ويي سبورت : اوكي هذي في البداية تنبهر منها ، بعد اربع ايام ترميها في القمامة .
+ Red Steel : من اسوء الالعاب اللي لعبتها في حياتي .
+ Trauma Center : Second opinion : ممتازة لكن راح تمل من صعوبتها .
+ Monster Truck : ابعد عنها الله يعزك ، زبالة .
عالعموم توقعي ” وهذا توقع بس ” راح تمل من الجهاز ، لانك من فئة مالكي الـxbox360 سابقا مما يعني انك متعود على العاب تقدم مستويات في كل مرة والعاب هاردكور بالكامل ، بعكس الـwii اللي العابه كاجوليه بشكل غير طبيعي ، اللهم بعض الالعاب مثل
SSBB ( غريبة ماشريتها ! هذي رهيبة ! )
سوبر ماريوم جالكسي
no More HEROES
Okami ( لو ماجربتها عالـPS2 لاتفوتك )
غريبه ما عجبك !!
انا اللي عجبني انه تجربه مختلفه عن الاكس بوكس 360 ، يعني البي اس 3 بيقدملي نفس تجربه الـXbox 360 ، الجهاز للحين عاجبني ويخليني اقوم واتحرك وانا العب ، جسمي صار يعورني شوي من بعد مالعبت كثير بـWii Sports ، يمكن لأني ارتحت كثير في العطله وماسويت رياضه وفجأه ابدى بالوي سبورت -_-”
الالعاب اللي قلتهم كلهم فكرت فيهم ، الا تراوما سنتر ومونستر ترك ، اول مره اسمع فيهم -_-” ، زيلدا كنت بشتريها بس مالقيتها ، بدورها بمحل ثاني ان شاء الله ، اما اوكامي يقولون طويله بشكل زياده عن اللزوم ، انا اكره شي عندي الالعاب الطويله -_-”، اما SSBB ما ادري مو متأكد اذا بشتريها ولا لأ ، المشكله اني شريت الجهاز فجأه وماشفت كل العاب الجهاز !! .
والله يبارك فيك
.
اتمنى انك ما تتحسف على شراء الوي ، The novelty will wear off soon
بالنسبة لي ماخش مزاجي كثير لكن اخوي بالمتوسطة يعجبه وانا ما اقول انه جهاز للصغار فقط لأني ما اصنّفه من الصغار على اي حال.
بس اذكر اول ماشريته تحمست معه اسبوع وقتل حماسي فيه لعبة Soul Caliber كنت احب هاللعبة ايام الدريم كاست بس اللي على الوي سيئة جداً.
وانا بعد اتمنى اني ما ازهق منه ، الجهاز حلو بسحلاوته انه يلعبون معاك ناس ، على العموم انا ما عندي العاب كثيره للجهاز فللحين ما اقدر احكم عليه بعد.
BTW احس اني اعرفك بس ما ادري وين ؟!
كيف تحس انك تعرفني؟ الرابط الوحيد بيني وبينك هو منتدى المنتدى وآخر مرة كنت نشيط واشارك فيه يوميا كانت قبل كم سنة الآن مجرد زيارات وكم رد هنا وهناك.
اذا ماعرفتني من ايميلي او الblog اجل اكيد مشبه
ماشاءلله مبروك عليك الجهاز … أتمنى أنك تستمتع فيه !
بخصوص الألعاب فيه العاب متميزة للجهاز وتستحق الشراء.. وأجمع عليها محبي الجهاز مثل سوبر سماش وماريو كارت و لعبة وي سبورت و مجموعة من الالعاب غيرها..
قد أختلف مع الاخ عبدالرحمن فيما يخص لعبة Wii Sports
الآن جهاز الوي عندي له سنة.. ومازالت اللعبة متميزة .. حتى اني اذا اخذت الجهاز معي للاصدقاء..تكون هي اول لعبة نستمتع فيها..
خصوصا التنس والملاكمة
فيه عندك العاب مجنونة.. تضحك وتلعب بالوقت نفسه مثل لعبة Raving Rabbids لعبة الارانب الشهيرة … ضحك بلا حدود … وبصراحة اذا لعبتها مع الشباب تاخذ تقريبا اغلب الوقت باللعب! لأنها لعبة جماعية وتوسع الصدر.
لها حاليا جزئين والجزء الثالث بالطريق..
عموما الالعاب كونها جيدة او سيئة مسألة وجهات نظر شخصية وقد يعجبني مالايعجبك والعكس صحيح… لذلك انصحك بمشاهدة العروض الدعائية للالعاب وعروض Gameplay حتى تقرر بنفسك ماإذا كانت اللعبة تناسب ميولك ورغباتك والا لا.
آسف على الاطالة … اتمنى لك وقت ممتع مع الوي
انا كان قصدي اني اعرفك من المنتدى مو معرفه شخصيه.
حياك الله عبدالله في مدونتي ، من زمان كنت اتابع مدونتك
، والله يبارك فيك (:
بالنسبه لـريمان ، اتذكر من زمان شفت عرض لها وكان شكلها ممتع كثير ، وتصير احلى اذا لعبتها مع ناس ، اتذكر كن فيها لعبه غسيل الملابس وكان شكلها مضحك كثير :p
على العموم ، في العاب كثيره في بالي باخذهم ، منهم ميترويد وريزدنت ايفل 4 و زيلدا .
وبالعكس ما طولت ولا شي ، وذكرتني بلعبه كنت ناسيها تماماً -_-” وحياك الله في اي وقت بالمدونه
اه ، بالنسبة للجماعية لم اجربها شخصيا لكن الكل ” الكل ! ” من جربها مدحها ، هذا توجه من Nintendo معروف في كونسولاتها وتوجه طيب ورائع ! شخصيا لا افضل الالعاب الجماعيه ويرجع السبب اتوقع للتعود . لكن صديقي يشاركونه اخوانه باللعب بعكسي اللي اغلب من في البيت فكرهم ( جيمز = اطفال )
بالنسبة لشراء الالعاب المناسبة ، اصلا معروفة الطرييقة يا احمد ، انت مو راعي شهر ولا شهرين في النت خخخ ، لعبة صدرت ، الله يخلي IGN و 1UP و Gamespot ينزلوا مراجعات تفصيليلة وحتى بالفيديو ! فالواحد هالايام ماراح يدفع 200 ريال على لعبة مايرديها لانه بيكون عارف كل شي عنها بأذن الله . علما بان في العاب تشترى بدون قراءة راجعات ولا تفكير مثل زيلدا \ سوبر ماريو جالكسي \ MGS4 كحكحكح P: