نبذه بسيطه عني
اسمي : احمد الحربي .
من : الكويت .
ما ادري من وين ابدأ , حياتي عاديه وروتينيه بشكل كبير , الا اني استمتع فيها بشكل كبير وانزعج كثير لو تغير هالروتين في حياتي – الا احياناً اكون زهقت كثير ووقتها احتاج اغير حياتي لفتره بعدين ارجعها مثل ماكانت – , احب كل شي يتعلق بالفيديو جيمز والكمبيوتر والافلام , مستعد العب طول اليوم اذا لقيت لعبه حلوه , احب العاب الاربي جي بشكل كبير وخصوصاً الكلاسيكيه , بس هذا مايمنع اني احب والعب باقي الالعاب مثل الشوتر او البلاتفورم ..الخ , افضل لعبه لعبتها بحياتي هي FFX – وايضاً معاها Lost Odyssey – .
بالنسبه للأفلام احب اطالع افلام الرعب النفسي – وليس افلام الرعب المقززه اللي كلها ذبح وتقطيع وزومبيز -_-” – , ايضاً اشاهد انواع الافلام الأخرى كـالاكشن او الرومانسي .
بالنسبه لعالم المنتديات , سابقاً كنت اشارك في جميع منتديات الالعاب كـ: Xgam3r , Gm-Master وغيرهم , الا اني الحين استقريت على منتدى المنتدى اللي انا فيه مراقب على قسم الاكس بوكس , حالياً ناوي اشارك في منتديات أخرى بس مو متأكد اذا بشترك فيهم ولا لأ وهم True-Gaming و سينماك .
هذي اول تجربه لي في التدوين وانشاء مدونه , واتمنى انها تكون تجربه ناجحه , المدونه راح تكون عن الفيديو جيمز والافلام , طبعاً احياناً راح اكتب اشياء مالها دخل في اللي ذكرتهم او اشياء خاصه فيني , فلا تستغربوا P: , وايضاً اذا عندك اي شكوى, اقتراح , او اي شي في بالك اكتب تعليق وراح اطالعه بأذن الله.
اسمك الحقيقي -_- ؟ اعترف
لول :p , الظاهر في اشياء ماكتبتها في النبذه مالتي .
راح اعدلها الحين
يا هلا احمد انا مشاري Solid_Snake
بوووه وايد كاتب اشياء عنك لول
ماتحب الرياضة؟ ^^
هلا مشاري
لول , ما ادري ما احب اكتب عن نفسي كثير , اعتقد هالمعلومات تكفي انها تعطيك نبذه بسيطه عني وعن اهتماماتي .
بالنسبه للرياضه , ما احب الرياضات اللي فيها كره وخصوصاً كره القدم -_-” اما الرياضات اللي ما تستخدم فيها الكره عادي يعني مثل السباحه والمشي ..الخ
تشارك في منتديات ثانية ؟ اذكرها لو وجد .
^
Done
حاولت اعدل الصفحه واضيف معلومات اكثر عني.
بما ان TG مقفل التسجيل عندهم وتبقى مجتمع للجيمر تعال هنا
http://www.axisia.net/boards/index.php
مجتمع محترم بشكل غير طبيعي …. ومليان هاردكورز
اوه ، التسجيل فتح في TG ، سجل قبل مايقفلوا التسجيل لان المنتدى بيكون مغلق في الايام القادمة على الزوار حسب ما قرات ( بسبب E3 او معرض دبي )
nice Blog too
بالتوفيق
بالمناسبة ماناوى تغيير اسمك بالمنتدى الى gameologis ؟
عبدالرحمن , سجلت , ان شاء الله اقدر اشارك كثير في المنتدى , لأني ما اشارك كثير في المنتديات وازهق بعد فتره.
Unknown~SNAKE
هلا
كنت ناوي اغيره بس الحين غيرت رأيي , كثير يعرفوني بالاسم وعشت معاه فتره طويله.
BTW شنو اسم عضويتك بالمنتدى ؟
انا لازم اعترف باعتراف ممكن يحذفنى من هذا البلوج ^^
اكيد تعرفنى الحين dont tell anyone
المهم انا ببحث على مؤشر الكلام مش لاقيه هو راح فين؟؟
والله كنت حاس انك “فراغ” . خصوصاً من الـ~ الموجوده في اسمك.
مافهمت عليك , شنو مؤشر الكلام؟
لا انا كنت اقصد ان المؤشر المختفى فى كتابة التعليقات ….. مصعب على الامر شوى بالكتابة -_-”
خليه باللون الاسود مثلا
المهم لا يهمك
ملاحظ انك متأثر بـ Heroes الشمس اللى باول الصفحة صح ؟ خخخخخخ
تابع كتابة الاخبار الحديثة وان الله يكون من اشهر المدونات
بالتوفيق
تحرير:
ان شاء الله يكون من احسن واشهر المدونات
Thanks
وحياك الله بالمدونه بأي وقت
Unknown~SNAKE هو برو جيمر من منتدى المنتدى
وعلى فكرة ، انا فهمت قصده المؤشر المختفى في التعليقات ، هذي من عيوب متصفح انترنت اكسبلورر الغبي ، يفضل استخدام فايرفوكس .
لووول اي عرفته من الـ~ في اسمه :p
اي انتبهت للمؤشر ، بس ما اعرف شنو الحل بالضبط ، اما الفاير فوكس ما ادري ليش ما ارتحت له ، بالتصفح احس الانترنت اكسبولرر افضل – يمكن لأني تعودت عليه ؟! -